「唱得唔係太叻，但希望喺音樂嘅創作上感動到大家！」Ben袁偉豪出道多年一直以演員身份現身幕前，處女作《你與你的另一半》不但使大家眼前一亮，更為他開闢了歌手這個全新形象。多年的夢想
「我嘅理想係做一位結他手。」若大家打開當年的〈校草〉和〈城市驚喜〉，便會發現ben對音樂的熱誠從沒消退。他自少已經十分享受音樂，在十多歲時已經開始玩結他，著迷程度更是會把做暑期工，辛苦賺來的人工必定用來買鐳射影碟，甚至主動找寫教材自學音樂。而且家人亦很喜歡聽歐美經典流行曲，所以他自小便在被音樂包圍的環境下成長，音樂亦陪伴他走過不少歲月。
「我聽得最多嘅係Michael Jackson同Bee Gees。嗰時係MJ最高峰嘅時間，佢MV入面有Michael Jorden、Magic Johnson……」沉醉在音樂空間的袁偉豪在分享時面露喜色，如數家珍。他最喜歡MJ的《Dangerous》大碟，而另一個至愛Bee Gees，「我每日放學都會睇佢哋嗰隻Greatest Hit卡拉OK。」他形容那個年代的音樂世界是最瘋狂的。
音樂的誕生
Ben表示未來在音樂上想有更多新嘗試。而這次的《你與你的另一半》當中有八成都是Ben自創的，之後再找bass小明幫忙編曲。他坦言現在的版本與之前自製的demo、結他獨奏是兩種不同的氣氛，當初是「再慢啲、嬉皮啲」，之後小明再向他介紹彈開jazz的結他手「雄仔」，一起研究。
「今次呢隻個喺拍子、速度快慢上都比較chill啲，我哋刻意喺歌嘅前段加入drum intro，因為我想營造成個package令人一聽到drum intro就知係呢隻歌。」在編曲上亦能看到Ben投放了很多心思，和音部分自己唱，outro部分更由他親自彈奏，「我彈結他未去到嗰啲級數咁叻，但我仲可以做到一定程度嘅感覺。」
回想起拍攝MV時的畫面他忍俊不禁，他説到面對混音大師，心裏不禁緊張起來，自己只敢細聲練習結他，但一直都彈不好，直到監製Terry説替他錄起來，「Action！」才能放開來彈，「有時就係咁討厭，因為知道有人影緊，所以好俾心機彈最尾嗰段。」
填詞方面，是太太寶兒自薦為他填詞，結果是很有驚喜，意想不到地配合這首歌。「寶兒話我幫你填詞啦，費事你係到lalala哼歌」。《你與你的另一半》亦有部分歌詞是Ben提供的，「『我喜歡你 最愛你 / You're my baby / So lovely』我呢幾句歌詞玩足十年，首首都係唱呢幾具，真係無諗過會夢想成真。」
堅持？放棄？
Ben入行多年，演出經驗老練，但難免應會面對挫折的時候。「今次我錄人聲我錄咗八次，如果錄音比起拍戲嚟講，唔夠我拍戲NG次數多，拍戲試過最高紀錄係28次NG。」他分享了兩次難忘經驗，第一次是他在拍戲時要説一段很資料性的對白，例如何時何月何日在哪一間公司做了甚麼，説了28次仍説不好；另一次是凌晨四時在錄影廠，腦裡一片空白，但要自己一人説3頁紙的對白，大家都非常疲累，自己做不好，還要整個戲劇組陪他，使他十分沮喪。「其實嗰一刻會覺得好無助，但係你又唔可以放棄，即係演藝嘅工作好多時要受呢啲挫折。」「呢啲就係要訓練嘅嘢！」面對失敗，Ben仍努力不懈，盡力做好本份。
不只在演戲方面，在音樂方面他也想過放棄，「有一段時間我係唔聽（結他音樂），我去聽爵士樂同色士風，我又去買兩支Brass返嚟自己玩，覺得彈結他唔關我事」因為自己不擅長而專注於演員身份，即使有時做宣傳時，起初也雄心壯志拿結他出來演奏，但「唱多兩次就會覺得好勞師動眾，所以我就覺得唔好麻煩人哋。」慶幸Ben能夠堅持下去，間中還會買新結他，「唔玩都買返嚟睇吓」。玩著玩著，《你與你的另一半》便誕生了。
Comentarios